Chief Minister chuan reilote kan awm ve chhungin Service Rivalry a nasa tih ka hmu a, hei hi tha kan ti lo. Sorkar mitah chuan hnathawktute zawng zawng hi in pawimawh vek a, duhsak bik kan nei lo, a ti.

Lalduhoma chuan, Officers ten kan hnuaia thawkte welfare hi kan ngaihthah fo thin niin kan hria a, kan staff ten an chanvo an rawn dil a nih chuan kan ngaihtuahsak thin tur a ni. Hmasawnna hna tam tak hi thumrawn (convergence) a kalpui a nih avangin department hrang hrangte thawhhona tha kan mamawh hle bawk, tiin MSS training mekte hi a chah.

Vawiina sorkar thuchhuah tarlan danin, Chief Minister chuan, sorkar pisa vawng nungtu in ni a, fel taka engkim kan kalpui hian hian a zahawm a, note sheet bultantu in nih avangin in ngaihdanin kawng tam takah sorkar a kaihruai ve thei bawk. Sorkar hna hi rawngbawlnaa ngaia dik leh tui taka thawk turin ka ngen che u a ni, tiin a chah bawk.

Trainee te hi  Lalbiakenga, Dy. Director (Training) ATI chuan a ho a ni.